好耐以前 大概5/6年前 因為一個人
曾經以為自己好鍾意既一個人 要到英國讀書
因為實在太想去佢生活既地方睇下
所以果段時間睇左好多關於英國既INFO.
不過大部份都係internet 睇返黎
有一次係書局行既時候
見到一本 " Happy London "
日本人寫 台灣人翻譯
差唔多係冇考慮地 即刻捧走佢
就係咁展開左我既"旅遊文學"緣
果時好少好少依類型既書
如果介紹地方既通常都係lonely plant 既形式
hotel motel 景點交通 食品 加插大量圖片等
都係一啲比較大眾info.式既資訊
而"Happy London" 亦即係依家既 "旅遊文學"呢
就比較注重旅行者旅遊後既感想
比如 "Happy London" 既其中一個筆者
就因為為左慳錢去左同人分租一間屋
屋入面有好多唔同國家既人
有一次佢同非洲黎既roommate傾開
親眼見識左非洲著名既辨子頭係點整出黎
又比如另一個筆者去左睇老爺車展
見識左好多不同年代既老車
同一班老爺爺既精神 活力
透過佢地既文字 就不期然幻想自己置身當中
親身去感受 體驗筆者所經歷的
除左一啲大眾化既資料 仲吸收到好多不同既知識
好似英國subway既人
非常鍾意食完野之後將手往身上擦
英國去clubbing 既人既打扮etc...
從此我屋企既"旅遊文學"既書不斷增加
有德國, 日本, 世界國地, 捷克, 南美, 意大利...
不過以前仲未普及既時候係好難搵依啲書
有時候甚至3個月都未見到有一本新既上架
慢慢地越黎越多 仲開始有佢正式既類別
同一整面既書架(only page one)
真係覺得好感動
就好似見住自己栽種既植物長大成樹既感覺
希望以後更多更多既人會睇依類型既書
令更多更多既奇聞奇事可以公諸於世
令一啲可能依一輩子都去唔到既地方既人
有更多既途徑領略其他國家既特有文化..
.
雖然我唔鍾意林峰 雖然我覺得歌名好娘
但我真係好鍾意依首歌
特別係"放手 其實我絕非愛得不夠" & "放手 至可擁有"
我真係好想好想對你講 不過講左都唔會有用
而且最怕連朋友都冇得做 怕你聽到之後會走
會唔再理我 怕連見你既笑容既資格都冇
所以只要可以見到你幸運快樂 放手有咩所謂?
愛不疚
收藏在眼眸 常徘徊左右 愛猜到沒有
愉快玩笑後 能全然退後 你開心就夠
這種感覺太親厚 講一千句也不夠
假使講了你聽到後 或會走
這種戀愛太罕有 不須真正擁有
成全 衷心祝福然後 就放手
放手 放開所有 彼此更自由
放手 其實我絕非愛得不夠
放手 豁出所有 還有這個好友
已經 已經足夠
遙遠是宇宙 靜靜在背後 去看守就夠
這種感覺太親厚 講一千句也不夠
即使一刹有過衝動 挽你手
這種戀愛太罕有 不須真正擁有
成全 多捨不得仍然 是放手
放手 我的牽掛 找不到盡頭
放手 期望你幸福什麼都有
也許 愛很深厚 然而我早看得透
放手 至可擁有
魚乾女 (又譯:乾物女/干物女)
指的是放棄戀愛, 覺得任何事都很麻煩而湊合著過活的女生。
乾/干物 源於日本人對 魚乾的稱呼。
魚乾女的名詞是首先出現在漫畫,
秀樂沙鷺《小瑩的青春》（ホタルノヒカリ）中。
書名雖然不起眼，
不過故事主角的設定卻是迎合社會中確實存在的女性，
開創了一個新名詞「魚乾女」〈日文為干物女〉，
在日本Yahoo!的辭典甚至還查得到這個詞，
「比起戀愛更想窩在家睡覺！」就是魚乾女的心聲！
定義與特徵
據火浦智說, 乾物女認為戀愛很麻煩所以不戀愛。
基本上指25歲到30多歲的因為怕麻煩而放棄戀受的女性, 特徵有:
1. 對短訊回覆很慢, 或不回覆, 字數也很少。
2. 如果食物簡單的話, 會站在廚房把它吃掉。
3. 如果出門以後發現忘了東西, 會穿著鞋用膝蓋觸地行走來取東西。
(因為脫鞋麻煩又不能弄髒地板)
4. 不上班的時候不化妝, 也不戴bra。
5. 有半年沒有去美容。
6. 冬天懶得剃毛, 或者乾脆唔剃。
7. 一個人去酒吧。
8. 最近冇心跳加速既感覺。
9. 放工立即返屋企, 懶得出席任何活動。
10. 在家裡把前額頭髮加後腦頭髮全梳起束成噴泉狀。
等等...
看過日劇<<魚乾女又怎樣(/螢之光)>>後
發現自己隨左想戀愛之外 活脫脫為一條魚乾女
不過最近都唔想戀愛喇 因為聽埋聽埋好多戀愛中既煩惱
然後又覺得戀愛要抽時間見面 又洗錢(重點)
又要估對方心衽面諗咩 花時間製造所謂驚喜
很麻煩很麻煩很麻煩... 不如係屋企睇下戲睇下劇睇下書好過
自由自在
... 然後依家發現我未到25 心態就已經係25-30以上既女性
我係魚乾女 ~
延伸:
魚乾女診斷：看看妳的魚乾女指數有多高
魚乾女in wiki
電視傳黎一把甜美既女聲 叫人"自摸"...
接住仲話"自摸"可以令城市更文明...
我聽到既時候"下?! "自摸"可以令城市文明?!"
即刻彈起身 睇下到底佢想講咩
冇可能正苦會叫國民"自摸"啩?!
原來通通只係誤會
可能因為香港既"自摸" 通常出現係打麻雀既時候
又或者啲風花雪月版既文章上面...
至令我聽到"自摸"一詞會覺得奇怪...
其實佢想講既係"治摩" "治"意指治理 "摩"意指摩托車
如果大家有坐火車回鄉探親既經驗
相信一定會知道 以前步出火車站既時候
總有一堆不知明既"朋友" 好熱情咁包圍你 叫你上佢地車
佢地送你去目的地... 當然啦 "朋友"都要比錢
唔係"朋友"食咩呢?? 依班"朋友"就係摩托車司機
以前冇咩的士 因為價錢比摩托車版的士貴好多好多
仲有好多好多不同既交通工具係可以當的士咁坐
包括麵包車啦, 小型噸車啦, 貨車啦....
總之有兩個位或上既車都可以係載客工具
但有瓦遮頭既都比較貴 導致摩托車版的士大量產生
高峰時期 真係見過有差唔多百個司機係火車站出口等客
依家城鎮全部都高速發展 為左令人有更文明既感覺
就要大力整頓摩托車版的士 所以先會有"治摩"一詞誕生
我明白正苦既用心 但我真係好想笑 (其實笑晒)
對於講廣東話既人 特別係香港長大既人
係冇可能唔笑 大佬 食字食得咁中 仲要係正苦廣告
日日夜夜係度叫人"自摸" 唔笑都難
其實內地既宣傳標語 係繼冇得上網之後最最最最唔慣既野
可能我長於實事求事既香港 咩都係直接指示既關係
我地唔會有"溫馨提示" 只有"警告"又或者"提示"
(但依幾年可能受呀爺影響 漸漸有"溫馨"在前...Orz)
電視電台報紙雜誌仲有街上面一面又一面既紅底白字海報
都不停有一啲令我覺得十分匪夷所思既字眼出現
包括文明文明文明 依個詞係我成日都見到既字
叫市民要做個文明既人做文明既事...Orz
包括愛護公物 上車讓坐 唔好係街上面大聲喧鬧等...
同咩熱鬧慶祝呀 "自摸"呀 熱鬧歡迎呀...
仲有咩恭祝我們成為文明既人等等...
依啲野都令我覺得心裡而有種怪怪詭異感
或許依啲就係文化既差別 我地比較內歛
歡迎依啲野最多用下口講 或者門上面掛上一塊別緻既welcome牌
係地下放上一塊歡迎地毯
大粒野黎既就放上紅地毯 迎接既時候用笑容同鮮花
睇落其實樣樣都唔係好大差別
不過就一定唔會掛上紅底白字既橫額 宣於大大煽情既文字上...
只用心 實事求事 換句話可以形容為"木木獨獨" 0包裝
雖然係咁 令人覺得怪怪既宣傳句有, 但間唔中都有一兩句幾好
就好似東莞市最新既標語咁 幾隻字已經交代晒東莞依個地方
冇過份煽情之餘 又用一啲個人應為美麗既用詞
但願以後有更多依啲出現 唔好成日都"文明自摸"喇....
我又從投 windows 既blogger
其實冇咩唔好既 不過個板面複雜啲
而我又唔識改 搞到焗住用佢啲核突skin 者...
返上黎做野之前 都知內地封殺好多好多外國網站架喇
不過估唔到連sina hk 都封殺... Orz...
係依度有咩網係上唔到架呢?
嗱! **一定有香港, 台灣各大論壇,
我諗主要因為入面一定有討論政治既話題~
**仲有hk yahoo news 有啲版面係睇唔到既,
hk yahoo news search engine 都係用唔到既~
**blog 方面呢, 就有上面提到既 sina hk,
仲有 xanga, 台灣無名, yam ..etc.
**一時上到一時上唔到既呢,
其實都包括 hk , tw yahoo 仲有facebook...
係香港既時候 有時會係論壇上面見到有啲國內同胞
突破重重封鎖 留言發表意見
我真係覺得十萬個佩服 佢地唔驚比人捉 唔驚比人拉
(對於我黎講)冒死發表意見 真係令人敬佩!
不過佢地突破得封鎖 就自然有諗到點樣先唔會比人捉
其實依家內地已經好左好多好多
早幾年前上黎探親 唔好話hk news 某啲版面睇唔到
係直情入唔到 hk yahoo!
所有台灣網站一律上唔到
搞到果時日日都要上 tw yahoo 既我成日都心情煩躁...
到底幾時內地先可以"任何"網都比上
能收看"任何"電視內容 可以發表"任何"言論呢?
我相信其實冇一個國家會比國民完全既自由
只睇下做得手法高唔高明 比唔比啲國民知道
好似美國咁 一樣爆出偷聽國民電話依啲醜聞
其實冇一個地方會比做細既有所有自由
不過最少 衷心希望不久既將來 當我地上網既時候
睇電視 睇書 等等 既時候 都可以無間斷地盡情瀏覽
最多 比你偷偷地監視喇
反正 that wts u guys doin now~因為內地上唔到sina hk blog 既關係
我又從投 windows 既blogger
其實冇咩唔好既 不過個板面複雜啲
而我又唔識改 搞到焗住用佢啲核突skin 者...
返上黎做野之前 都知內地封殺好多好多外國網站架喇
不過估唔到連sina hk 都封殺... Orz...
係依度有咩網係上唔到架呢?
嗱! **一定有香港, 台灣各大論壇,
我諗主要因為入面一定有討論政治既話題~
**仲有hk yahoo news 有啲版面係睇唔到既,
hk yahoo news search engine 都係用唔到既~
**blog 方面呢, 就有上面提到既 sina hk,
仲有 xanga, 台灣無名, yam ..etc.
**一時上到一時上唔到既呢,
其實都包括 hk , tw yahoo 仲有facebook...
係香港既時候 有時會係論壇上面見到有啲國內同胞
突破重重封鎖 留言發表意見
我真係覺得十萬個佩服 佢地唔驚比人捉 唔驚比人拉
(對於我黎講)冒死發表意見 真係令人敬佩!
不過佢地突破得封鎖 就自然有諗到點樣先唔會比人捉
其實依家內地已經好左好多好多
早幾年前上黎探親 唔好話hk news 某啲版面睇唔到
係直情入唔到 hk yahoo!
所有台灣網站一律上唔到
搞到果時日日都要上 tw yahoo 既我成日都心情煩躁...
到底幾時內地先可以"任何"網都比上
能收看"任何"電視內容 可以發表"任何"言論呢?
我相信其實冇一個國家會比國民完全既自由
只睇下做得手法高唔高明 比唔比啲國民知道
好似美國咁 一樣爆出偷聽國民電話依啲醜聞
其實冇一個地方會比做細既有所有自由
不過最少 衷心希望不久既將來 當我地上網既時候
睇電視 睇書 等等 既時候 都可以無間斷地盡情瀏覽
最多 比你偷偷地監視喇
反正 that wts u guys doin now~
